யானறியேன் இன்னாள் வரையில்
காலதேவன் கொடுமையானவன் என்று
என்வாழ்வில் கடிகார நொடிமுள்ளாய்
கட்டாற்று வேகத்தில் கடந்துசெல்கிறான்
கரைதேடும் படகாய் அந்த
கட்டாற்றின் நடுவே நானும்
கண்டுவிட்டேன் எந்தன் கரையை
இருந்தும் விழைந்ததொரு ஐயம்
காண்பது வெளியேறக் கரையோ
இல்லை மெல்லமறையும் கானல்நிலமோ?
தகிக்கும் நிலத்திலொருக் கானல்நீர்போல்
சுழலும் நீரிலொறு கானல்நிலமோ?
கரையேறக் காத்திருக்கும் படகு
கரையேறக் கைக்கொடுப்பது யாரோ?
