வேதனையாய் இருக்கிறது
வேசியவளை காண
வேதனையாய் இருக்கிறது
சாலையோரம் நின்று
காளை யொருவன்
கடைக்கண் பார்வை
காண வேண்டி
காத்திருக்கும்
வேசியவளை காண
வேதனையாய் இருக்கிறது
காமுகனொருவன்
கட்டிய தாலி
கழுத்திருக்க
கயவனவன் தந்து சென்ற
கைக்குழந்தை வீடிருக்க
கால் வயிறு
கழுவிடவே
கடை விரித்த
வேசியவளை காண
வேதனையாய் இருக்கிறது
வேதனையாய் இருக்கிறது
வேசியவளை காண
வேதனையாய் இருக்கிறது
சாலையோரம் நின்று
காளையவன்
கடைக்கண் பார்வை
காண வேண்டி
காத்திருக்கும்
வேசியவளை காண
வேதனையாய் இருக்கிறது
கணவன்
கட்டிய தாலி
கழுத்திருக்க
குழந்தை ஒன்று வீடிருக்க
காமம் தலைக்கேற
கள்ள கணவனவனை
காண வேண்டி
காத்திருக்கும்
வேசியவளை காண
வேதனையாய் இருக்கிறது
காட்சிகளிரண்டும்
கண்டுவிட்ட
கண்களிரண்டும்
கண்ணீரால் நிறைந்து விட
ஒருத்தியோ!
கயவனை நம்பிய பாவத்தால்
பெரும் தீ தனில் எரிகிறாள்
மற்றோருத்தியோ !
கணவன் நம்பும் லாபத்தால்
காமத் தீ தனில் கரைகிறாள்
இருவரில் ஒரு உயிர் வேண்டுமென
மரண தேவன் உமை வந்து கேட்க
உங்கள் விரல் காட்டும் பெண்
எவரென செப்புவீரோ ?
